اخطاء كلنا بنقع فيها واحنا بنعالج بشرتنا

انا جيبالكم النهارده اخطاء كلنا بنقع فيها واحنا بنعالج البشره ومشاكلها المقرفه
1_اكبر غلط بنقع فيه اننا بنستعجل علي النتيجه يعني مثلا عملنا ماسك تفتيح عايزين في ساعتها نبقي نانسي عجرم مع ان المفروض النتيجه تظهر مش في اقل من شهر
2_ اننا بنستخدم كذا ماسك في نفس ذات الوقت يعني ماسك تفتيح وبعده بربع ساعه ماسك للحبوب ، دا غير غسول للبشره ومعاه سكراب
ومعاه صابونه دا حرااااااااام طبعا المفروض نستخدم ماسك واحد بس ونشوف نتيجته الاول ومنعملش غير ماسك واحد بس في الاسبوع
3_الغلط الفظيع بقه اننا بنستخدم اي ماسك وخلاص ونقول اهي مواد طبيعيه ولو منفعتناش مش هتضرنا ،، لا طبعا هتضر لو مش مناسبه ليكي
يعني مثلا الزبادي بيفتح وممتاز جدا بس لو انتي بشرتك دهنيه وحطتيه هتلاقي الدهون زادت طبعا فانتي المفروض تشوفي المناسب ليكي والعسل مفيد جدا للبشره الدهنيه بس لو واحده حطتة وبشرتها جافه هينشف بشرتها اكتر
4_ اهم حاجه بقه النظافه ثم النظافه من حيث بقه المخده اللي بتنامي عليها للطرحه اللي بتلبسيها عشان بتلمس بشرتك طبعا للادوات الشخصيه بقه والذي منه
5_صوابعك اللي عايزه تتقطع دي هههههههه اللي بتلعبي بيها في بشرتك كل شويه ارجوووووووووكم بلاش نلعب في اي حبوب او حاجه بارزه في الوش ضربة الوش مفيهاش معلش
6_اخر واهم حاجه بقه النوم بدري والله اهم حاجه وبلاش الاكل من بره وبلاش بقه تقولي اصل انا بقضي طول اليوم بره وفي الجامعه او الشغل والشماعه اللي بتعلقي عليها دي _ مانتي بتمشي بشنطه قد كده حطيلك فيها اي حاجه كليها وزي بتاعة بره بالظبط

اللهم اني اسالك باسمك الاعظم الذي
اذا دعيت به اجبت واذا سئلت
به اعطيت واذا استرحمت به رحمت
واذا استفرجت به فرجت ان ترزقني قلبا خاشعا
ورزقا واســــــــــعا وعمـــــــــلا متقبــــــــــــــــــلا